Bestcomp Group Dell Partner Day 2025 tədbirində iştirak etdi

28 noyabr tarixində Dell Technologies tərəfindən Tbilisidə təşkil olunan Partner Day 2025 tədbiri regionun aparıcı İT şirkətlərini bir araya gətirərək müəssisə infrastrukturu, süni intellekt və hibrid bulud ekosistemləri üzrə ən son trendlərin müzakirəsi üçün strateji platforma rolunu oynadı.

Bestcomp Group tədbirdə Baş İcraçı Direktorun müavini və Kommersiya direktoru Khalil Alakbarov, həmçinin Baş İnformasiya Direktorunun müavini və İT direktoru Ramiz Eldərov tərəfindən təmsil olundu.

Tədbir çərçivəsində Dell Technologies-in yeni nəsil texnoloji yenilikləri təqdim olundu, tərəfdaşlıq ekosistemi üzrə qarşılıqlı əməkdaşlığın genişləndirilməsi, birgə layihələrin inkişaf perspektivləri və regional bazarın transformasiya tələblərinə uyğun inteqrasiya imkanları müzakirə edildi.

Bestcomp Group, geniş texnoloji portfeli və sistem inteqrasiyası üzrə çoxillik təcrübəsi ilə regional təşkilatların modernləşmə proseslərini dəstəkləməyə, miqyaslana bilən, yüksək performanslı və gələcəyə hazır İT arxitekturalarının yaradılmasına töhfə verməyə davam edir.